AIZAWL DISTRICT AH NLRMP HNUAIA SURVEY CHHUNZAWM A NI

Heng a hnuaia Surveyor te hian NLRMP Project Survey in Aizawl District a an khaw chan hrang hrang te survey turin Dt. 12.1.2015 khan, Krismas leh Kumthar chawlh hman zawhah an feh chhuak chhunzawm leh ta:-

Group No	Team members	Kalna tur khua
Group-I	1. Lalchawisanga Ralte. (Leader) 2. Lalrosanga 3. Lalrinawma	1. Kepran 2. Sawleng 3. Darlawn 4. Sunhluchhip 5. Serzawl 6. Chhanchhuahna khawpui
Group-II	1. K.Rosanga. (Leader) 2. Vanlalliana Hmar 3. C.Lalnunnema	1. Sesawng 2. Hmunnghak 3. Khanpui 4. Lailak 5. Khawruhlian
Group - III	1. H.Lalsiamliana. (Leader) 2. Lalthanliana Ralte 3. Vanlalthlira	1. Keifang 2. Saitual 3. Sihfa 4. Dilkhan 5. Tualbung 6. N. Lungpher 7. Buhban
Group - IV	1. Lalbiaktluanga Parte. (Leader) 2. K.Lalnuntluanga 3. Lalremsanga Sailo	1. Tlangnuam 2. Melthum 3. Hualngohmun 4. Kelsih 5. Falkawn 6. Muallungthu 7. Melriat
Group - V	1. Lalrammawia. (Leader) 2. H.Lalruatsanga 3. T.Lalhunmawia	1. Tuirial 2. Seling 3. Tlangnuam 4. Phulmawi 5. Thingsulthliah 6. Darlawng 7. Tlungvel
Group - VI	1. Lalzarliana. (Leader) 2. Saitluangpuia Sailo 3. C.Lalruatkima	1. Sailutar 2. Thingsat 3. Ratu 4. Lungsum 5. Damdiai 6. New Vervek 7. N. Khawdungsei
Group - VII	1. R.Lallianfala. (Leader) 2. Malsawmtluanga 3. Malsawmkima	1. Lawipu 2. Maubawk 3. S. Hlimen 4. N. Lungleng 5. Lungleng-I 6. Samtlang
Group- VIII	1. R.Zoramthanga. (Leader) 2. C.Lalhmingthanga 3. R.Lalramenga 4. R.Malsawma	1. Tachhip 2. Aibawk 3. Sateek 4. Phulpui 5. Maubuang 6. Thiak 7. Sumsuih 8. Hmuifang
Group - IX	1. V.L Ruata Renthlei. (Leader) 2. A.Lalrindika 3. C.Lallawmzuala	1. Lungsei 2. Samlukhai 3. Sialsuk 4. Sailam 5. Chamring 6. Lamchhip 7. Chawilung
Group – X	1. R.Lalchhuansanga. (Leader) 2. Bernard Lalhmunsanga 3. V.Lalhruaitluanga	1. Maite 2. Tawizo 3. Lenchim 4. Mualpheng 5. Ruallung 6. Rulchawm
Group - XI	1. Lalringngheta. (Leader) 2. P.C. Vantluanga 3. Lalhriatmawia	1. Sihphir 2. Sihphir Vengthar 3. Selesih 4. Durtlang 5. Muthi 6. Zuangtui 7. Zemabawk
Group - XII	1. K.Laltanpuia. (Leader) 2. Lalsangliana Varte 3. Lalrinchhana Sailo	1. Thanglailung 2. Phullen 3. Zawngin 4. Lamherh 5. Suangpuilawn 6. Vanbawng 7. N.Khawlek
Group- XIII	1. Lalfamkima. (Leader) 2. Lalbiakdika 3. P.C.Ramdinsanga	1. Sairang 2. Sihhmui 3. Phunchawng 4. Tanhril 5. Rangvamual 6. Sakawrtuichhun
Group - XIV	1. Hmangaihzuala. (Leader) 2. C.Dinliana 3. H.Lalrinzuala	1. Sakawrdai 2. Vaitin 3. Khawpuar 4. Zohmun 5. Palsang 6. Tinghmun 7. Mauchar
Group – XV	1. Lalthakima. (Leader) 2. Dennis Rosangpuia 3. R.Vanlalawmpuia	1. Luangpawn 2. Phuaibuang 3. Khawlian 4. N.E. Tlangnuam 5. Daido

Tun ṭum survey operation ah hian khawtlang hruaitu leh NGO aiawhte nena inrawn tlânga huan lo ram enkawl mumal leh Pass mumal siamsak phû nia hriat zawng zawngte chu an ramte teh chhuah sak bakah, Town/ Sub-town ni tawh khaw chhunga In Hmun teh ngaite pawh teh fel tura feh chhuak an ni a. Hma a zauh viau chuan huan ram lam aia In Hmun lam teh duh zâwk khua te pawh awm theih a ni a. Chutiang khuaah chuan khawtlang hruaitute leh ram teh tur neitute duhthlan ang deuhva survey hi kalpui pawh a ngai maithei bawk. He tianga ruahman a ṭulna chhan hi hun, sum leh thawktu lam indaih dan ena khaw mipuite tana sawtpui thei ang bera hma lak a ngaih avang a ni.

He’ng Survey Team fehchhuakte hian tun lai Survey hmanraw changkang – high accuracy GPS receiver set leh Electronic Total Station leh Laptop Computer (data recording atan) te an feh chhuahpui a ni.

National Land Record Modernisation Programme (NLRMP) hi kum 2011 chawhnu lama Lunglei District-a kalpui ṭan kha a ni a. Land holding zawng zawng survey kim vek a harsat avangin demarcation tih âwm zual deuh deuh, chu pawh tuam kim vek thei lovin Lunglei District, Serchhip District leh Champhai District ah te hma lâk a ni tawh a. Tunah hian Aizawl District hi tuam leh mêk a ni.

Read more...

KHAW TINAH SITE ALLOTMENT ADVISORY BOARD DIN FEL THUAI A ṬUL

13.01.2015: Mizoram Land Revenue Act, 2013 hman a nih hma khan, a dan lamin sawi chiah lo mah se Sorkar thu chhuak angin Town leh Sub-Town ah te khan House Site Allotment Advisory Board kan nei ṭhin a. Chu Board chuan In Hmun diltute dilna chungchang a thlitfim hnuah Sorkar-ah chu'ng dilna te chu District authority leh Directorate of LR&S kal tlangin a thlen ṭhin a. Tin, a hming ang hian House Site dilna chungchang chauh a ngaihtuah thei a. Periodic Patta leh eng hmun emaw atana Land Lease dilna te kha an ngaihtuah tel ngai lo.

MLR Act, 2013 erawh chuan HSAAB ni mai tawh lovin "Site Allotment Advisory Board" hi khaw tinah, Revenue Department-in survey leh land settlement a la tih lohna Village (VC te'n House Pass an la pek theihna khua) ah te pawh din vek turin a ti ta a. Hei hi a ṭulin a pawimawh em em a ni. HSAAB aiin SAAB hian mawh a phur zau va. A awmna khaw ram chhunga eng atan pawha hmun hma dilna awm reng reng te lo thlifim a, observation fel tak nena Sorkar ngaihtuah atana thu thlentu, Grassroots level authority a ni a. Eng emaw bik tak a nih loh chuan SAAB-in a recommend te chauh hi Sorkar-in a entertain thei a ni.

Village (Revenue Department-in land survey & settlement operation a la tih rih lohna khua) ah erawh chuan SAAB in a recommend ang zelin House Pass te VC-in thuneihna pek an nih angin an lo pe ang. SAAB kher tih hi lang tlang leh thlei bik nei lo thei ang bera VC te'n In Hmun an pek na tur a ni. Village a VC te'n, an khaw chhunga In hmun atana dan anga House Pass an pek leh, tlang ram lo - jhum atan liau liauva kum khat atana ram an ṭheh tih loh hi, Land Allotment-ah thu neihna an nei lo a ni.

Kan hriat ṭheuh angin Revenue Department hi a hma a zauh dan nena khaikhin chuan mi leh sa nei tlem ber Department a ni mai thei. Tin, mi leh sa pawh hei ai hian lo ṭhahnem deuh pawh ni ila, land administration/ management hi khawi lai Project area emaw bik ang ni thei lo, mi tin, chhungkaw tin, Pawl, Kohhran leh Sorkar ngei pawh a khawih tel avangin, khawi hmunah pawh tihtur nei, Dan mumal tak hmanga chu hna chu enkawl a nih avangin leh, a hma a zauh si avang hian a remchan dan ang ang a dik leh fel taka thil kalpui thei turin tualchhung mipui leh an aiawh Khawtlang Hruaitute telna SAAB te nena participatory mode-a Department nen thawhho a pawimawh em em a ni. Chuvang chuan SAAB te hi khaw tinah a nih dan tur ang taka an function thuai a ṭul a. Hei hian mipui te hriatpui leh langtlang taka land administration a kalpui dawn avangin a pawimawh a. Chuvangin a la din lohna khua zawng zawngah din thuai turin Deputy Commissioner/ District Collector te'n a ṭul anga hma an lak pawh a duhawm hle a ni.

Aizawl District-in a hmaa SAAB an lo neihtawhte bakah 15th December, 2013 ah Lengpui, Sihphir, Lungleng-I, Samtlang, Muthi leh Sairang SAAB te Govt. approval a chhuak a. Khaw dang tam takah din a la ngai bawk a. 

Mamit District ah chuan Mamit leh khaw dang eng emaw zatah SAAB din a ni tawh a. Tin, tun hnai 5.1.2015 mai khan he'ng khaw 27 zette-a SAAB din te Govt. approval a chhuak leh bawk a: 

1) Phuldungsei, 2) N. Sabual, 3) Nalzawl, 4) N. Serzawl, 5) New Eden, 6) Luimawi, 7) Kanhmun, 8) Rengdil, 9) Hmunpui, 10) Hriphaw, 11) Saithah, 12) Khawrihnim, 13) Dampui, 14) Bungṭhuam, 15) S. Sabual, 16) Rulpuihlim, 17) Chungtlang, 18) Mualṭhuam, 19) Ailawng, Reiek, 20) Teirei Forest, 21) Suarhliap, 22) Damdiai, 23) Rajivnagar-II, 24) Pukzing, 25) Hruiduk, 26) Tuipuibari-I leh 27) Kawrtethawveng te. Mamit District an fakawm hle.

SAAB recommendation-in Mamit lam aṭanga hmun hma dilna te chu Govt. approval eng emaw zat a chhuak mek a. SAAB din loh miau chuan Govt. ah ngaihtuah a remchan loh avangin District dang aṭanga hmunhma dilna thawm erawh a reh rih khawp mai. 

SAAB din loh hi Pass mamawhtu mipui lamin an tuar avangin SAAB din tlemna District-a thuneitute'n ṭhahnem ngai lehzualin he lamah hian hma han la leh deuh thei se, Khawtinah VC te bultum deuhva thil tih tur a nih avangin LAD hotute nena ṭankawp pawh thil ṭul tak a ni. Hma la ṭha duh lo VC an awm chuan DC-in din luihtir mai theih lohna a awm lo bawk. He'ng thil pawimawh atan te hian District thuneitute kan ngen nghal bawk a ni e.

Read more...

PROPERTY REGISTRATION JURISDICTION & AUTHORITY

Mizoram Sorkar chuan Property Registration District leh Sub-District/ Sub-Division te leh chu'nga mawhphurtu tur Officer te Notification No. A. 46022/1/2014-REV dated 9th January, 2015 hmangin a declare a. Chu mi ang chuan Aizawl, Champhai, Kolasib, Lunglei, Mamit leh Serchhip District te hi Registration District ah puan a ni a. He'ng District te-a Deputy Commissioner ṭheuhte hi District Registrar atan ruat an ni nghal bawk a ni.

Tin, District chhunga Civil Sub-Division awmsa mek te hi Registration Sub-District niin, chu'nga Registration hna tak tak khawihtu tur Sub-Registrar atan chuan Aizawl Sadar Sub-Division leh Sakawrdai Sub-Division tan Settlement Officer, Aizawl District a ni a. Sub-Division dang zawng zawngah District Revenue Office-a ASO te hi Sub-Registrar an ni bawk.

Deputy Commissioner te hi District Registrar ni mah se, appellate authority leh District chhunga registration hna supervise turin an function dawn a. Registration tak hi chu Sub-Registrar te'n an thawk dawn a ni.

Revenue Department manpower indaih deuh chu ni ila Sub-Division tina Sub-Registrar atan SDO(C) concerned te ruat a, mipui tan pawh awlsam zawka registration tih theih tur a ni a. Mahse sum-pai harsatna a nasat avangin District Hqrs ah registration hi kan la tithei chauh rih a ni.

Autonomous District Council area (Lawngtlai leh Saiha District) te erawh chu property chungchang leh a kaihhnawih revenue nen hian ADC thuneihna huang chhung a nih avangin, anmahni huang chhung ṭheuhva Registration hi an kalpui loh chuan Mizoram Sorkar-in va bial ngawt hleih theih loh a ni a. Chutih laiin Lawngtlai District lam aṭangin ram inhawhtirna lehkha register mamawhte an awm zauh zauh ta a. Chuvang chuan ADC authority te pawhin he thil hi an kalpui ve thuai a pawimawh hle.

Mi leh sa indaih lo tak chunga Revenue Department-in Registration hna a enkawl chung hian kumin 2014-15 chhung hian Rs. 2.0 crore lak luh a ni tawh a. Manpower indaih deuh chu ni ila hei aia ṭhahnem zawk hi hai luh a beiseiawm hle a ni. Registration-in a tum ber hi khua leh tuite document vawn ṭhatsak a nih rualin chu mi aṭang chuan Fee eng eng emaw lak tur a nih avangin Sorkar sum hnar pawimawh tak, leiman leh land revenue ki dang ai pawha sum hnar ṭha la ni tur a nih avang hian Sorkar pawhin a thuam chak a ṭul hle awm e.

Revenue Department hian kawng hrang hrangin hma a sawn chho mek a. Chutiang dinhmuna hlangkai tu Pathian leh Sorkar hotu te leh a thawktute chungah lawmthu kan sawi a ni.

Read more...

SURVEYORS' REFRESHER COURSE - 4TH BATCH ZAWH FEL A NI

Dt. 18th December, 2014 chawhnu dar 2:00 PM ah, Surveyors' Refresher Course, Batch 4-na chu Directorate of Land Revenue & Settlement Training Hall-ah Pu Dawngkima, Joint Director (Survey) kaihhruaiin kharna neih a ni a. Pu R. Lalramnghaka, Director-in a hmanpui a ni.

Surveyor eng emaw zatin modern survey equipment viz. Electronic Total Station leh GPS device hmanga land survey an thiam tawh laiin eng emaw zatin an la hmang thiam lo va. Chu'ng mite tan chuan "Crash Course" ang deuhvin thla khat (4 weeks) chhung, kumin 2014 August thla aṭang khan Refresher Course hi neih ṭhin a ni a. 

Batch khatah mi 12 zel tel theih a ni a. Theory leh Field Practical session te bakah Autocad leh GIS te hmanga land record digitisation te an zir a.

Tuna 4th Batch zawh fel a nih hian he Course la attend lo Batch khat daih vel Surveyor training ngai an la awm a ni.

LR&S Department chuan National Land Record Modernisation Programme (NLRMP - Central Scheme with 90:10 C:S cost sharing) hnuaiah land record updation, survey leh re-survey bakah computerised land record mumal tak neih a, on-line a land record - Record of Rights pho chhuah leh on-line payment of Tax, on-line application chi hrang hrang te hmabaka neih mek a nih avangin Surveyor zawng zawngin modern survey equipment an hman thiam vek a pawimawh avangin he Course hi sum awm thei ang ang dap khawmin kalpui a ni a. Central Sorkar-in NLRMP revamp a tum anga a tihhlawhtlin theih chuan CB&T bik atan sum pawh a awm thei dawn a ni.

He'ng hmasawnna tur kawng hrang hrangte hi ICT Department-in chak takin hma min laksak mek a, kan lawm hle a ni.

Trainee te hian Batch tinah a course duh aiin a tawi mah mah an ti deuh zel a. A sih hawnna ang deuh chauh leh, thiam tak tak tur chuan practical-a khawih zui a ngai a. Chu mi tihtheih dan tur pawh ngaihtuah zui zel a ni bawk.

Surveyor/ trainee te an phurin hlawkthlak an ti hle zel a. A ṭhente phei chuan mimala hman tur Laptop Computer leina'n GPF withdraw theih ni se an duh thu an sawi a. Priority pek an nih tur thu hrilh an ni nghe nghe a ni.

Surveyor te bakah hian Directorate-a LDC leh UDC te zinga Computer hmang thiam lote tan thla hlui lamah khan Computer principle, MS Office leh internet lam te training (1 hour per day for 1 month) neih a ni tawh bawk a. Heta la tel ve lote hi kum thar lamah chhunzawm leh tura ruahmanna siam a ni bawk.

Read more...

DIRECTORATE OF STAMPS & REGISTRATION CHUNGCHANG MEETING

Vawiin 4th December, 2014 chawhnu dar 1:00 khan Chief Secretary hovin tuna Revenue Department-in a enkawl tel mek Stamps & Registration chungchang ngaihtuahhona meeting, Chief Secretary Conference Hall-ah neih a ni a. Reveue Department-ah Sanctioned Post ruak 111 zet awm mek chungchangte thlir tel a ni bawk a. Department hi a inruahman ṭha leh tur leh, ruahmanna thar siam leh tur chu la thlirho leh turin thu dah rih a ni.

He huna Powerpoint Presentation te chu hetah hian a download theih e:

1. Highlights on MLR Act, 2013 Part-I.
2. Stamps & Registration chungchang.

Read more...

WORKSHOP ON ASSESSMENT COLLECTION OF TAX AND REGISTRATION

Dt. 5th December, 2014 (Friday) hian Land Revenue & Settlement Department chuan, Revenue Directorate Conference Hall-ah chawhma dar 10:00 aṭanga tlai dar 4:00 thleng awh turin "Workshop on assessment and collection of taxes" leh "Stamps and Registration" chungchanga hmasawn zelna tur ngaihtuahin Pu R. Romawia, Revenue Minister hona hnuaiah Workshop a nei dawn a. Hetah hian Mizoram Sorkar hnuaia Land Revenue administrative District 6 - Aizawl, Champhai, Kolasib, Lunglei, Mamit leh Serchhip District-tea DC/ aiawhte leh Revenue Officer-te an tel ang. 

Deputy Commissioner-te hi land revenue administration-ah District Collector an nih angin a kul a tai ber an ni a. Tin, Property Registration lamah pawh District Registrar te an nih chhoh zel dawn avangin he subject-ah hian, an work load sang tak awmsa karah lead-role an play zual deuh deuh a ngai dawn a ni.

Workshop-ah hian Tax leh Registration chungchang bakah Mizoram (Land Revenue) Act, 2014 leh MLR Rules, 2013 hnuaia District leh Sub-District civil administration mawhphurhna pawimawh zualte an thlirho bawk ang.

Director, LR&S.

Read more...

LIFTING OF RESTRICTION: BAWNGKAWN TO DURTLANG ROAD AREAS, 2014

NO. C. 18016/21/2001-REV/Pt.I

GOVERNMENT OF MIZORAM

REVENUE DEPARTMENT

Dated Aizawl, the 2^nd July, 2014.

NOTIFICATION  No. 5.

            In continuation to the Notification issued vide No. C. 18016/21/2001-REV/Pt.I, dated 22^nd November, 2011, wherein lifting of restriction imposed on all Passes approved by the competent authority in respect of ‘outside Community Project Area i.e Bawngkawn’ was ordered. In this matter, the Governor of Mizoram is pleased to issue clarification to state that the said Notification actually pertains to cases of Shop and Stall Passes along ‘Bawngkawn to Durtlang Road’ issued by District Council (which was subsequently stayed for security reasons vide Order No. DLR/HP/AN-6/77 dated 24^th February, 1977). The said case is also a subject matter of a petition registered under Civil Rule No. 1400 of 1988 (People’s Union Civil Liberties Mizoram Branch & anr vs. State of Mizoram & ors). Thus, the said Notification dated 22^nd November, 2011 pertains to these cases alone.

                                                                                                      Sd/-
                                                                                           (R.L. RINAWMA)
                                                                      Principal Secretary to the Govt. of Mizoram
                                                                                       Revenue Department.

Memo No. C. /18016/21/2001-REV/pt-I           :            Dated Aizawl, 2^nd July, 2014.

Copy to:-

1.     Secretary to the Governor, Mizoram.

2.     P.S to Hon’ble Chief Minister, Mizoram.

3.     P.S to Hon’ble Minister, Revenue Department.

4.     P.S to all Ministers/Speaker/ Dy. Speaker/ Minister of State, Mizoram.

5.     P.S to Chief Secretary, Government of Mizoram.

6.     P.S to Commissioner/Secretary, Revenue Department.

7.     All Principal Secretaries/Commissioners/ Secretaries to the Govt. of Mizoram.

8.     All Administrative Department, Mizoram.

9.     Director, Land Revenue & Settlement Deptt, Govt. of Mizoram.

10.   All Heads of Department.

11.   Settlement Officer, Aizawl District for information.

12.   GUARD FILE.

                                                                                                      Sd/-
                                                                            (C. CHALSAWITHANGA)
                                                                Under Secretary to the Govt. of Mizoram
                                                                Land Revenue & Settlement Department.

Read more...