Welcome to Official Blog of Revenue Department, Mizoram.
He
Blog hi Land Revenue & Settlement Department, Mizoram chuan mipuite
leh Department hna thawktu te tana thil pawimawh inhriattir zung zungna
atan a siam a ni a. Tihphuisui zel tum a ni ang. Department chhunga
thawktute'n inhriat pawh kan mamawh tluk bawkin Sorkar, Department leh
mipuite inkarah thu pawimawh inhriat pawh zung zung a ṭul em em a.
Tum
vang reng ni lova Sorkar dan kalha lo chet palh theih venna'n te,
Sorkar dan leh kaihhruaina dinglai hriat loh avanga a thawktuin tih loh
tur lo tih palh venna'n te, kan buaina kumhlun thlentu ram Pass inthuah,
etc tihtlem tial tialna'n te hian thawktu te leh mipui lamin thu
pawimawh leh thil thleng mekte kan hriat nghal zel a pawimawh tak zet a.
Department-in website - landrevenue.mizoram.gov.in chu
nei tho mah ila, awlsam leh chhiar nuam zawka buatsaih ṭhat a nih hma
chuan, chhiara hriat mai theih chi chu he Blog-ah hian tar lan a ni rih
dawn a.
Tun
laiin internet hman kan uar ta hle a. Computer nei lem lo tan pawh
Mobile phone hmang tein information source pawimawh a nihna ṭangkaipui
Mizo te zingah kan ṭhahnem ta hle a. Chuvang chuan he Blog leh
Department website kan tar lan tak khi a mamawhtute'n kan ṭangkaipui
ngei kan beisei a.
Visitor pawh pung tial tial ila, information source belhfakawm tak a nih kan beisei a ni.
Director,
Revenue Department,
Mizoram, Aizawl.
Revenue Department,
Mizoram, Aizawl.
